Njyewe na Claudia dusohoka mu isomero ry’ikigo nti”Njyewe iri somero ndarirambiwe, mwarimu arakurangira igitabo wagerayo ukacyibura. Ntiyagira icyo ansubiza! Ndahindukira mbona ari mu bitekerezo bya kure nta nubwo anyitayeho! Nti”Claudia.” Ati”Umva sinafashe ifoto, sinzi ikintu cyanyibagije, ariko buriya iyo mfata ifoto nkayereka Seleman ntiyari guhita amwanga!” Nti”Claudia wasaze!” Ati”Linda ntago nasaze, Seleman anyanga kubera Angel andusha uburanga bwiza ariko buriya aramutse abonye uburyo Angel yari ameze yabona ko ubwiza bw’inyuma ntacyo bumaze.” Ndamureba . Ati”Yeah!Yahita abona imyitwarire mibi ya Angel! Nti”Bikakumarira iki se?” Arandeba ati”Ariko ko numva umufitiye impuhwe? Uwigize agatebo ayora ivu bigatinda di!” Nti”Yegoko!” Araseka ati”Uburyo aba yirase, uwari kukwereka ariya maso ye uko yari ameze.” Nti”Ariko ubanza wasaze!” Ati”Linda ntago nasaze, nkunda Seleman pe, Sinzi impamvu atankunda!”
Kunda ugukunda kuko uwo ukunda akunda abandi
Mfite igitebo tujugunyamo imyanda njya kumena mu kimoteri rusange mbona Linda yiyicariye inyuma y’ishuri mbona ari kwihombabyiriza iminwa ye. Ndahagarara ndamwitegerezaaaa mena ibishingwe maze ndamusanga. Nti”Angel bite?”Ati”Ni byiza.” Nti”Ko utakiza kwiga se byagenze bite?” Arahigima, arimyoza, areba hasi. Nti”Ikindi kibazo ufite ni ikihe ko ari wowe wanyibwiriye ko Aunt wawe uba muri USA aguha buri kimwe cyose ukeneye ku ishuri. Ni iki noneho?”Ati”Linda nanjye ntago nzi impamvu pe! Narishimye umunsi Aunt wanjye avuga ko ajyiye kundihira amashuri. Yifata ku gahanga. Ndabona ntazi.” Nti”Ariko se ni ikihe kibazo kindi ufite, ko uri umuhanga, ukaba ntacyo ubuze ni iyihe mpamvu witwara gutya?” Ati”Linda njyewe mu buzima bwanjye, mba numva nshaka guhora nasinze.” Nti”Reka!Angel ntunyumve nabi, ndabizi uri imfubyi ariko ntago ari wowe ufite agahinda wenyine. Birashoboka ko hari n’ababaye kukurusha!” Yitsa umutima ati”Yego nibyo,Ndabyumva!” Nti”Umenye ko kandi nukomeza kwitwara nabi uzasibira.” Ati”Hoya weee, Linda, byanga bikunda ngomba kwimuka.” Seleman aba atunyuzeho afite igitabo n’ikaramu mu ntoki, ahindukiye aratubona ahita aza ampereza umukono ati”Linda bite.” Nti”Ni byiza Seleman.” Ati”Hello Love. Aca bugufi asoma Angel ku itama, mbona Angel arijimye mu maso.” Seleman ati”Reka njye gusoma, areba Angel, Baby nkeneye kuvugana nawe.” Angel aramwihorera.Ahita ajyenda.
Angel ati”Aheeee!Umva uriya muhungu ntiyumva, namubwiye ko ntamukunda ariko sinzi ikintu anshakaho.” Nibuka Claudia ndaseka nti”Yeeeh, kubera iki utamukunda se, ubona iriya bogari atari sawa?” Araseka ati”Mwihorere uriya!Twikomereze ibyacu.” Nti”Nyamara wakunda umwana ugukunda. Arimyoza aramwenyura maze ararambya ati”Umunsi umwe Claudia yansanze mu cyumba cyanjye arantuka, arantukuza!” Nti”Aragutuka?Agutukira iki se kandi? Ati”Ko nibye umugabo we Nti”Nyagasani, ibyo se no muri compus bibamo!” Ati”Yari agiye no kunkubita uretse ko nagize amahirwe bariya bakobwa turarana bakaba bari bahari. Numva ngize ubwoba nti”Eeeeh,uziko bitoroshye we!”
Biracyazaaaaa
ITANGAMAHORO Nadine
