Miss Mia le Roux w’imyaka wegukanye ikamba rya Nyampinga w’igihugu cya Afurika y’Epfo 2024 yagaragaje ko n’abafite ubumuga bashoboye, anenga abagifite umuco mubi wo guheza abandi mu byiza runaka.
Nyuma yo kwegukana ikamba rya Nyampinga w’igihugu cy’Afurika y’Epfo 2024, mu muhango wabereye muri Pretoria’s Sun Bet Arena kuwa Gatandatu 10 Kanama 2024. Umukobwa witwa Mia le Roux wari umaze iminsi atavugwaho byiza ku mbuga nkoranyambaga ku mpamvu yo kuba afite ubumuga bwo kutumva, yashimye abamushyigikiye muri uru rugendo, anatanga ubutumwa bubuza abantu kureka guha akato abafite ubumuga ngo kuko nabo bafite amahirwe kandi bashoboye.
Mu ijambo yagejeje ku bitabiriye uyu muhango, Miss Mia le Roux yavuze ko intsinzi ye muri aya marushanwa ari ikimenyetso cy’uko abantu bahezwa muri sosiyete nabo bafite ubushobozi kabone n’ubwo baryamirwa, bakimwa amahirwe yo gutera intambwe ngo bagire aho bagera.Avuga kandi ko nyuma yo kwegukana iri kamba yiteguye guteza imbere abo bose batagira kivurira muri sosiyete,barimo n’abafite ubumuga nka we.
Yagize ati “Nishimiye kuba ndi umukobwa wo muri Afurika y’Epfo, ufite ubumuga bwo kutumva, kabone n’ubwo hari abatabyumva. Nzi ko navutse kugira ngo mpindure ibyo benshi biyumvishaga ko bitabaho, muri iri joro ngira ngo namwe murabyiboneye. ”
Miss Mia le Roux w’imyaka 28 yegukanye iri kamba nyuma y’intamabara itoroshye y’abagiye bamwibasira haba muri sosiyete no ku mbuga nkoranyambaga bagamije kumuca intege, bavuga ko adakwiriye kugera ku mwanya w’abahatanira iri kamba ngo kuko afite ubumuga bwo kutumva. Ni imvugo yanagarutsweho kandi na bamwe mu baminisitiri bo muri iki gihugu,bavugaga ko adakwiriye iri kamba ngo kuko urihawe aba anahagarariye igihugu mu ruhando mpuzamahanga.
MANIRAGABA Emmanuel
