Sanlam ni ikigo cya mbere muri Afurika mu bitanga serivisi z’ubwishingizi, yaba ubwishingizi rusange(generale) n’ubwishingizi bw’ubuzima(life).
Naho Allianz ni ikigo gifite ubunararibonye mu gutanga serivisi z’ibijyanye n’ubujyanama mu by’imari, gucunga imitungo n’ibindi.
Kwihuza kw’ibi bigo kukaba kwaravuyemo ikigo gitanga serivisi z’ubwishingizi n’izirimo ubujyanama mu by’imari ‘SanlamAllianz’ ibikorwa byacyo bikaba byatangijwe mu Rwanda, aho n’ibirango Sanlam yari isanzwe ikoresha byahindutse.
Umuyobozi Mukuru wa SanlamAllianz Life Insurance Rwanda Plc, Jean Chrysostome Hodari, yavuze ko izi mpinduka icyo zizanye ari ubunararibonye no gukora neza, ndetse nta cyo bizabangamiraho abakiliya.
Ati:”Abakiliya barakomeje nk’uko bisanzwe nta gihinduka amakontara(contracts) yabo arahari za bizinesi(business)zabo zirahari nta n’icyo basabwa kongeraho.”
Yavuze ko bakomeje gushyira imbaraga mu guteza imbere serivisi zabo, cyane cyane mu bijyanye n’ikoranabuhanga, aho ashishikariza abakiliya gukoresha uburyo bise ‘USDT’ ari bwo gukanda *633# igihe bashaka kureba imisanzu yabo no gusaba izindi serivisi.
Yanavuze kandi ko hari imishinga bari gutegura izaba igenewe n’abantu bakunze kutitabira serivisi z’ubwishingizi kubera amikoro make.
Umuyobozi ushinzwe Ibikorwa no kumenyekananisha SanlamAllianz, Hassam Gaffar, yavuze ko iterambere ry’u Rwanda biteguye gukomeza kurigiramo uruhare.
Ati:”Dutewe ishema no gushora mu Rwanda kandi twizeye ko ubukungu buzakomeza gukura muri rusange ndetse turifuza kugira uruhare muri iryo terambere.”
Allianz ni ikigo gikomoka mu Budage, abazi iby’umupira w’amaguru bazi stade ‘Allianz Arena’ y’ikipe Bayern Munich yo muri icyo gihugu, yabyiswe kubera ubufatanye bw’impande zombi.
Ikindi iki kigo cyamenyekanyeho ni uko ari cyo cyari cyarishingiye ubwato bunini ‘Titanic’ bwakoze impanuka ku rugendo rwabwo rwa mbere,benshi babumenye muri film, kikaba cyarishyuye buri kimwe cyose.
Sanlam yatangiye ibikorwa byayo mu Rwanda mu 2014, Ubufatanye bwayo na Allianz bwatangajwe muri Gicurasi 2022, byishyize hamwe bihuza imbaraga, aho uburambe bwabyo burenga imyaka 200.
SanlamAllianz iherutse kandi kwishingira imirimo yo kubaka Stade Amahoro. Ibi bituma bahumuriza abakiliya bafashe ubwishingizi muri
CORAR yaguzwe na SAHAM iyi na yo ikaza kugurwa na SANLAM ubwo yaguraga na SORAS, ko n’ubu bibaye ‘SanlamAllianz’ amafaranga yabo bose agihari.
Naomi Irakoze Mugaragu.
