Mu gihe muri Leta Zunze Ubumwe z’Amerika (USA) ejo ku wa 5 Ugushyingo 2024, biriwe mu matora bashaka ugomba kuyobora iki gihugu cy’igihangange ku isi, amajwi y’ibanze aragaraza ko Donald Trump yanikiye Kamala Harris, akaba ari we ugiye kongera kuba Perezida wa USA.
Mu gihe kugira ngo ushobore gutsinda amatora y’umukuru w’igihugu muri USA bisaba ko utsindira ibyo bita “electoral college votes” nibura magana abiri na mirongo irindwi (270), Trumps ubwo twandikaga iyi nkuru mu ma saa yine (10:00AM) z’igitondo yari amaze kugira managa abira na mirongo itandatu na zirindwi (267).
Ni mu gihe Kamala Harris bahanganye, we yari magana abiri na makumyabiri n’enye (224).
Ubusanzwe umukandida ugize amajwi menshi muri Leta runaka ya USA ahita yegukana amajwi yose ayigize, akabarwa mu byitwa “electoral college”. Bivuze ko Leta igenerwa amajwi bitewe n’ubunini bwayo n’umubare w’abaturage bagejeje igihe cyo gutora ifite.
Urugero nka Pennsylvania ibarirwa 19, North Carolina na Georgia zikagira 16, Michigan 15, Arizona 11, Winskonsin 10 na Nevada ikagira 6.
“College” ubundi ni itsinda ry’abantu batora umukuru w’igihugu n’umwungirije. Muri USA yose rero bakaba baragabanyijemo “colleges 538, umubare bahisemo kuko uhwanye neza n’umubare w’abashinga mategeko mu Nteko Ishinga Amategeko y’Amarika. Ni muri urwo rwego ugize ugize 270 aba atsinze amatora.
Donald Trump, Umurepubulike wabaye Perezida wa 45 wa USA akaza kunanirwa kubona manda ya kabiri kuko yatsinzwe n’Umudemokarate Jeo Biden, biragara ko rero kuri inshuro yongeye kwisubiza intebe y’icyubahiro akaba agiye kuba Perezida wa 47 wa Leta Zunze Ubumwe z’Amerika.
Mu ijambo amaze kugeza ku bamushyigikiye akaba yashimiye cyane abamufashije muri rugendo rwo kwiyamamaza ndetse n’umuryango we. Yanijeje ko agiye gusubiza igihugu hamwe kuko ngo cyari kimaze gucikamo kabiri, bose bagasenyera umugozi umwe baharanira ubuhangange n’iterambere by’America.
Ati “Ubu tugiye gushyira ku ruhande amacakubiri yose twari twarabibwemo n’abademokarate tuzamure ubukungu bw’igihugu, twongere kubaka Amerika y’igihangange.”
Mu gihe Komisiyo y’Amatora yamutangaza nk’uwegukanye intsinzi muri aya matora, yazarahirira kuba Perezida wa 47 wa USA ku wa 5 Mutarama 2025, asimbuye Joe Biden.
Oswald Niyonzima
