Donald Trump uherutse gutorerwa kuba Perezida wa Leta Zunze Ubumwe z’Amerika (USA) yavuze ko bishoboka ko Canada yaba Leta ya 51 muri Leta zigize USA.
Ibi Trump yabivuze mu mpera z’icyumweru gishize ubwo Minisitiri w’Intebe wa Canada Justin Troudeau yari yamusuye iwe mu rugo muri Leta ya Floride.
Mu biganiro bagiranye, Trump wahigiye kuzamura imisoro ku bicuruzwa bituruka muri Canada bijya muri USA ku kigero cya 25%, mu buryo busa n’ubutebya yabwiye Troudeau ko ashaka ko Canada yiyomeka kuri USA.
Mu gihe mu bazi Trump hari abatekereje ko yabivuze akomeje, Dominic LeBlanc, Minisitiri w’Umutekano muri Canada wari waherekeje Troudeau, yabamaze impungenge ababwira ko byari ugutebya.
Yagize ati “Byari ibiganiro byoriheje byo gutebya, kandi burya gutebya ku muntu nka Perezida ni ikimenyetso cyiza ko ibiganiro byabo byatanze umusaruro.”
Mu gihe Canada ibifata nko gutebya ariko, Trump yatunguranye ashyira ku ruga nkoranyambaga rwe rwa Instagram
ifoto yakoreshejwe ikoranabuhanga ry’ubwenge buhimbano, A.I, agaragara ari iruhande rw’ibendera rya Canada.
Dini
